lauter Hirt-Hop-Gesang im 4/4-Takt,
kann auf Alputensilien begleitet werden.
 

stadtwärts sind's am wüete
has ja chum emal kapiert
drumm gan ich go hüete
bin en arme Alpehirt

d'Wälder händ scho zimmli Turscht
s'Wasser wird de Bärge gklaut
doch das isch de Bonze wurscht
s'schluckts de Stolle, s'wird au gstaut

ich will's usprobiere
d'Sunne strahlt am Alperand
ohni Crèmä z'schmiere
jetzt hani de Sunnebrand

graad sött ich de Hang deruuf
unde surret d'Autobahn
doch s'Ozon nimmt mir de Schnuuf
Butterberge, Transit-Wahn
 

 
d'Chälber sind am weide
Hörndli händs ekeini meh
chas nöd unterscheide
Gentech - au wie tuet das weh

Himmel obeduure
täglich neui Zeiche
schtanzet d'Flügerspuure
muesja fascht erbleiche

d'Chue cha chum me laufe
vill z'vill tuet si häregäh
mues Verband go chaufe
müend ere no meh wägnäh

einsam zieht de Satellit
s'Militär isch überall
Info-Spott grad Wälte-wiit
da en Blitz und det en Knall
 

isch dänn würkli mir das Bier?
z'Abig imim Hüttli chlii
s'Schätzli liit ganz nöch bi mier
müed und friedlich schlafi ii
 

(der Refrain ist nach jeder Strophe gedacht.
Form, Melodie und Inhalt des Liedes können
beliebig abgeändert bzw. erweitert werden)