Äs Versli vo Alp
September 2008
 

 

   
 

z’Alp.

Noch über zwänzg Johr «Farming in Canada»
isch Zyt zum zrugg i d’Bärge gah.
Im «Bündner Puur» äs Inserat
seit, mir wänd z’Alp, mir sind parat.
D’Alp Tarvisch isch z’übernäh, sofort,
ob Savognin, däm schöne Ort.

Nünzg Chüe und hundert Chälber chömed ue,
der Wald duruf, grad ob der Flue.
Jetzt sind si alli da,
d’Arbet fangt grad a,
mi Frau und ich, de Rees vom Glarnerland,
mir schaffets mitenand.

Morge am drüü heisst’s use,
s’isch dunkel, s’tuet ein gruse,
hantli tüend mir d’Chüeli i
die wänd jo schlissli g’mulche si.
Suber und glatt lauft jetzt d’Milch
durab i d’Chäsi Odermatt.

Mir tüend nüd vergässe
no gschwind z’Morge ässe,
dänn Gschirr und Milchtank fäge
und au di langi Schtäge.
D’Chüe sind scho wider duss
und frässed Gras
s’schället und lütet – schön isch das!

Dänn im Schtall, im grosse,
muess ich Dräck i d’Gülle abe schtosse,
de Rees goht hüt zue dä Chälber ue,
mir händ do unne z’tue,
po Poschte söttme au,
aber das macht jo mini Frau,
ich go gu Zuune
än huufe Droht bruucht das,
ich muess nur schtuune!

Bald isch wider Zyt zum d’Chüe itue
drum go ich’s go hole in Arlos ue.
Und so gohts wiiter, Tag für Tag,
zwüschet ie mach ich Schiiter
für än warme Schlag.

Dänn eines Tages – weh oh weh –
muesch äs Chäbli hinke gseh,
d’Rega chunnt und flügts is Tal,
das goht jo ganz feudal!
Und öppe über Nacht
händ Gämsi Droht und Pföhl
zu Hudle gmacht,
das muess gflickt si
und zwor gli, susch muesch dänn d’Chälber
go sueche i de falsche Fälder.

Dänn gits au Täg
wott bruchsch für d’Körperpfläg,
dänn hocksch uf Fels ob Kluft
gnüssisch frischi Alpeluft,
do obe gits kein Baum
aber Blueme – s’isch än Traum!
Gsehsch bis i d’Länzerheide
und under dir tüend d’Chueli weide,
jetzt merksch wie s’Härz fescht chlopfet
und äs paar Tränli abetropfet –
nüd für än Huufe Gäld
schasch ersetze
die schöni Alpewält.

Drum ihr Hirte und au Sänne
so wie mir euch känne
schaffet mit frohem Muet
so grootet de Summer guet!

Walter Spühler, Canada


 
Home | Aktuell | Stellenbörse | Pinnwand | Archiv | Einkaufen | Kontakt | Sitemap | Suchen | Alle Inhalte © by zalp.ch | mail 
zalpverlag | IG-Alp | Älplertreff auf facebook